Fuadar óir
Racht díograise chun saibhris thobainn i measc cuid mhaith daoine de gach aicme. Is beag mianadóir a d'éirigh saibhir, ach mar thoradh ar bhorradh an daonra osclaíodh tailte tréadacha don talmhaíocht.
![](http://up.wiki.x.io/wikipedia/commons/thumb/c/c6/Panning_on_the_Mokelumne.jpg/250px-Panning_on_the_Mokelumne.jpg)
S.A.M.
cuir in eagarSna Stáit Aontaithe, tharla órthóraíochtaí suntasacha
- Thosaigh Fuadar Óir Chalifornia ar an 24 Eanáir 1848 le fionnachtain óir ag Muileann Sutter (Béarla: Sutter's Mills) i gColoma.
- Colorado (1858-1859), Idaho (1861-1864),
- Montana (1863),
- Dakota Theas (1875), agus
- Alasca (1896).
Ceanada
cuir in eagarBhrostaigh slua mór sirtheoirí, as na Stáit Aontaithe den chuid is mó, go críocha Yukon i gCeanada nuair a thángthas ar ór ann i 1896. Lean an tóraíocht ar feadh 5 bliana. Táirgeadh luach timpeall $50 milliún óir, bunaíodh baile Dawson, agus tugadh spreagadh mór don gheilleagar i mBritish Columbia, Alberta, Alasca, is stát Washington.
Astráil
cuir in eagarFuarthas rian an óir san Astráil i 1823, ach níor thángthas ar mhéid suntasach go dtí 1851 nuair a d'fhógair Edward Hargreaves an fhionnachtain in Ophir, New South Wales. Tháinig níos mó ná 2,000 duine don áit ansin díreach. An bhliain chéanna fuarthas ór i Victoria, agus táirgeadh 35% den ór a táirgeadh ar Domhan ansin (1852-1861). Fuarthas ór i Queensland (1867) agus Western Australia (1893). D'athraigh na fionnachtana seo an Astráil ó bhun go barr. Tháinig 342,000 inimirceach don Astráil i 1852-1861, bhorr an eacnamaíocht, agus d'fhás daonra Melbourne, mar shampla, ó 29,000 i 1851 go dtí 473,000 i 1891.
I measc na n-inimirceach bhí na mílte Síneach, agus níor mhaith leis na hEorpaigh iad siúd: ritheadh dlíthe frith-Shíneacha agus glacadh le polasaí na hAstráile Gile.[1]
Tagairtí
cuir in eagar- ↑ Hussey, Matt (2011). "Fuadar óir". Fréamh an Eolais. Coiscéim. p. 292.
Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |