Ultimate
Is spórt foirne a imrítear le diosca eitilte (nó frisbee) é Ultimate (nó sárfhriosbaí). Chruthaigh grúpa mac léinn in Ardscoil Columbia i Maplewood, Nua-Gheirsí an spórt sa bhliain 1968.[1] Cé gur spórt traidisiúnta é ó thaobh riachtanas lúthchleasaíochta, níl sé cosúil le spóirt eile toisc nach bhfuil réiteoirí ann go ginearálta, fiú ag na leibhéil iomaíochta is airde. Ina ionad sin, braitheann Ultimate ar chothrom na Féinne agus cóimheas idir na himreoirí, coincheap bunúsach ar thug seanfhondúirí an spóirt The Spirit of the Game air.[2][3]
![]() | |
Cineál | spórt diosca eitilte agus spórt foirne |
---|---|
Cruthú | 1968 |
Líon uasta imreoirí | 14 |
Scóráiltear pointí tríd an diosca a chur ar aghaidh chuig comhimreoirí i gcrios deiridh na foirne eile. Rialacha bunúsacha eile ná nach féidir le himreoir céimeanna a thabhairt agus an diosca ina sheilbh, agus tarlaíonn aistriú seilbhe tar éis pas a bhuaileann an talamh, a théann as an imirt, nó a sciobann an fhoireann eile.
![](http://up.wiki.x.io/wikipedia/commons/thumb/f/f8/Ultimate_being_played_-_The_Force_01.jpg/220px-Ultimate_being_played_-_The_Force_01.jpg)
Is trádmharc cláraithe de chuid an chomhlachta Wham-O é an téarma Frisbee, agus dá bhrí sin seachnaítear an t-ainm “Ultimate Frisbee” (agus fiú “sárfhriosbaí” i nGaeilge), cé go bhfuil sé fós in úsáid choitianta neamhfhoirmeálta.[4]
Ultimate in Éirinn
cuir in eagarTá an spórt ag fás go tapa in Éirinn, leis na mílte duine á imirt timpeall na tíre. Bhain foireann náisiúnta sinsear na mban Craobhchomórtas na hEorpa sa bhliain 2019, agus eagraíodh fáiltiú don fhoireann ina dhiaidh sin in Áras an Uachtaráin leis an Uachtarán Mícheál D. Ó hUigínn.[5] Tá foireann lán-Ghaeilge amháin in Éirinn, darb ainm “Plámás”.[6]
Naisc sheachtracha
cuir in eagarTagairtí
cuir in eagar- ↑ "History of Ultimate". www.wfdf.org.
- ↑ "What Is Ultimate?". USAUltimate.org.
- ↑ "Spirit of the Game — WFDF".
- ↑ "The Problem with “Frisbee”".
- ↑ "President receives the Irish Women’s Ultimate Frisbee European Championship Winners".
- ↑ "Plámás — Irish Flying Disc Association".
Is síol a bhaineann le spórt é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |