San Fernando, Tríonóid agus Tobága

An ceann is mó den dá chathair i dTríonóid agus Tobága is ea San Fernando. Port of Spain, an phríomhchathair, an chathair eile sa tír. Tá Chaguanas níos mó freisin, ach áirítear é mar bhardasacht agus ní mar chathair. Tá San Fernando suite ar chósta thiar theas oileán na Tríonóide, idir aibhneacha an Guaracara agus an Oropouche.

San Fernando, Tríonóid agus Tobága
Suíomh
10° 17′ N, 61° 28′ O
Stát ceannasach	Oileán na Tríonóide agus Tobága
Daonra
Iomlán	55,419 (2000)
• Dlús	2,973.12 hab./km²
Tíreolaíocht
Achar dromchla	18.64 km²
Airde	34 m
Aitheantóir tuairisciúil
Lonnaithe i gcrios ama	Atlantic Time Zone (en)
Cód ISO 3166-2	TT-SFO

D'fhás baile san áit de réir mar a tháinig fás ar phlandálacha an chána siúcra sa cheantar, ag tosnú sa dara leath den 18ú haois. Ní ba dhéanaí cuireadh tús le saothrú an chacao ann freisin, agus idir an Dara Cogadh Domhanda agus na 1980idí chuir tionsclaíocht an pheitriliaim le geilleagar San Fernando.

Talamh mín atá sa chathair agus ina haice. Is é Cnoc San Fernando, i lár na cathrach, an ghné is suntasaí de gheograife an cheantair. Ón bpáirc ar bharr an chnoic, is féidir Veiniséala a fheiceáil ar lá geal. Bhí cónaí ar 50,208 duine i San Fernando sa bhliain 2011.