Micreathonnta
Tonnta leictreamaighnéadacha ar mhinicíocht an-ard. In oigheann micreathonnach úsáidtear na tonnta seo chun bia a threá is a théamh. Is amhlaidh a chritheann na tonnta seo na naisc idir adaimh, agus sa bhfrithchuimilt a tharlaíonn dá bharr sin téitear is réitítear an bia in achar gairid ama.
![](http://up.wiki.x.io/wikipedia/commons/thumb/f/f6/Microwave_tower_silhouette-2.jpg/220px-Microwave_tower_silhouette-2.jpg)
Fionnadh an feiniméan seo de thaisme nuair a leádh barra seacláide i bpóca léine eolaí a bhí i mbun taighde ar mhicreathonnta. Baintear feidhm as micreathonnta chun comharthaí leictreonacha — teileafóin, raidió, teilifíse is ríomhaire—a tharchur ar feadh líne dírí fada tríd an aer.
I gcontrárthacht le gnáth-thonnta raidió a tharchuirtear chomh leathan agus is féidir thar réimse tíre, déantar léas comhlínithe aontreoch micreathonnta le haerógmhias pharabóileach, agus tarchuirtear an léas seo díreach i dtreo aerógmhias glactha eile.
I gcás comharthaí raidió is teilifíse, úsáidtear ceangal micreathonnach mar seo chun na comharthaí a iompar ón stiúideo go dtí príomhaeróg tarchuir ag ionad ard éigin, nó satailít tarchuir.[1]
Tagairtí
cuir in eagar- ↑ Hussey, Matt (2011). "Micreathonnta". Fréamh an Eolais. Coiscéim. p. 455.
Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |