William Bulger
Is polaiteoir Meiriceánach é William Bulger nó Billy Bulger (a rugadh ar an 2 Feabhra 1934). Is ball den Pháirtí Daonlathach é. Ba mhór é cáil William Bulger i mBoston agus i Massachusetts sa 20ú haois. Fear é a raibh intleacht den scoth aige agus a bhí stuama agus ábalta ar an bpolaitíocht.[1]
_3.jpg)
.jpg)
Cúlra
cuir in eagarGael-Mheiriceánach atá ann; deirtí go mba as Corcaigh a shinsir ach ní dheachaigh sé ag fiosrú an scéil ariamh. Choinnigh sé a cheangal Éireannach le Carna. Ba as an gceantar sin athair agus máthair a chéile, Mary Folan.[1]
Gairm
cuir in eagarSna 1960idí, sheas sé Bulger leis an bpobal Gael-Mheiriceánach ina dhúiche féin i South Boston in aimsir an ‘bhusáil’ díreach. Cás conspóideach a bhí ann; bhí gasúir dhubha agus bhána le cur chuig na scoileanna in éindí agus bheadh busanna ann a thabharfadh iad anonn agus anall. Bhí éirí amach i measc phobal South Boston, go leor acu de bhunadh Chonamara. Bhain Bulger cáil náisiúnta amach – nó droch-cháil ag brath ar an dearcadh a bhí ag an éisteoir. Ach bhí bua na cainte agus na loighce aige freisin. Glacadh leis go forleathan le himeacht na haimsire gur drochphlean a bhí sa mbusáil i mBoston.[1]
Dúradh go minic faoi Bhilly Bulger go raibh sé ar an bpolaiteoir ba chumhachtaí i Massachusetts. Ar feadh cuid mhaith de scór blianta óna 1970idí go dtí na 1990idí, bhí sé ina Uachtarán ar an Sheanad Stáit Massachusetts.
Bhí an mí-ádh air go raibh deartháir aige a raibh eolas níos fearr fós air – James ‘Whitey’ Bulger. Fiú is gur éirigh le Billy stádas cumhachtach a bhaint amach sa bpolaitíocht bhí scáil ‘Whitey’ sa mullach air. Scríobh iriseoir go raibh eolas ag Billy faoi imeachtaí, agus faoi choireanna, a dhearthár agus nár thug sé an t-eolas sin d’údaráis ná do phóilíní.[2] Tamall ina dhiaidh sin a d’éirigh Bulger as Uachtaránacht Ollscoil Massachusetts, áit a raibh an-mholadh don obair a rinne sé ansin ar feadh seacht mbliana. Tá siad ann a déarfadh go mbeadh sé ar stáitse náisiúnta murach an droch-cháil a bhí ar a dheartháir.[1]
D’imigh Bulger as an saol poiblí timpeall 2006.
Féach freisin
cuir in eagarTagairtí
cuir in eagar- ↑ 1.0 1.1 1.2 1.3 Máirtín Ó Catháin (8 Iúil 2024). "An bhfuil aithne agat ar Whitey Bulger? Nach mise a dheartháir?" (ga-IE). Tuairisc.ie. Dáta rochtana: 2024-07-13.
- ↑ The Brothers Bulger – How they Terrorized and Corrupted Boston for a Quarter century an teideal a bhí ar leabhar a foilsíodh in 2006. Howie Carr, iriseoir agus craoltóir go mba bheag é a ghean ar Bhilly, a scríobh an leabhar.
| Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |