O. J. Simpson

Ba pheileadóir Meiriceánach é Orenthal James "O. J." Simpson (9 Iúil, 1947 - 10 Aibreán 2024), ar cheann de na cúlaithe reatha is fearr i stair an NFL le linn a ghairmréime 10 mbliana, áit ar imir sé do na Buffalo Bills agus San Francisco 49ers..

O. J. Simpson

(1990)
Beathaisnéis
Breith	(en) Orenthal James Simpson 9 Iúil 1947 San Francisco, California
Bás	10 Aibreán 2024 76 bliana d'aois Las Vegas, Nevada
Siocair bháis	Bás nádúrtha (Ailse phróstataigh)
Faisnéis phearsanta
Grúpa eitneach	Meiriceánaigh Afracacha
Scoil a d'fhreastail sé/sí	Galileo Academy of Science and Technology (en) City College of San Francisco (en) Ollscoil California Theas
Teanga dhúchais	Béarla
Meáchan	95 kg
Airde	185 cm
Gníomhaíocht
Réimse oibre	Peil Mheiriceánach
Gairm	aisteoir, aisteoir scannáin, tráchtaire spóirt, imreoir peile Meiriceánaí, iomaitheoir lúthchleasaíochta, imreoir sacair
Tréimhse oibre	1969 –  1979
Teangacha	Béarla
Tír spóirt	Stáit Aontaithe Mheiriceá
Spórt	peil Mheiriceánach lúthchleasaíocht
Ionad ar an bhfoireann / speisialtacht	Cúlaí reatha
Gníomhréim   Foireann – USC Trojans football (en) 1969–1977 Buffalo Bills (en) 1978–1979 San Francisco 49ers (en)
Eile
Céile	Nicole Brown Simpson (1985–1992), bás a c(h)éile
Ciontaíodh i	robáil (2008) → (carcrú)
Croineolaíocht
9 Samhain 1994-3 Deireadh Fómhair 1995	O. J. Simpson murder case (en)
Gradam a fuarthas (1973)  Associated Press Athlete of the Year  Pro Football Hall of Fame (en)
Síniú

Cúisíodh an fear spóirt i ndúnmharú agus lean an chonspóid ar aghaidh ar feadh na mblianta.

Tugadh "The Juice" mar leasainm air.

O. J.Simpson agus a chéad bhean, 1970

Simpson agus a chlann, le Gerald Ford, 1977

Dealbh bhrád sna 2010idí; rinneadh Dia beag de

Peil

Chuir Simpson tús lena ghairmréim imeartha ina chúlaí reatha ar fhoireann an choláiste USC (Ollscoil California Theas) - USC Trojans. Bronnadh an duais iomráiteach siúd an Trófaí Heisman air sa bhliain 1968 mar aitheantas ar a chumas ar an pháirc imeartha.

Níorbh fhada go raibh foirne móra na Sraithe Náisiúnta (NFL) sa tóir air. Chaith Simpson aon bhliain déag ag imirt ag an leibhéal is airde leis na Buffalo Bills (1969-77) agus na San Francisco 49ers (1978-79).

Aisteoireacht

Chuaigh Simpson leis an aisteoireacht agus a bhlianta imeartha thart. Bhí an fear spóirt ina réalta scannán cumasach sna 1980-90idí, sa tsraith scannáin The Naked Gun.

Dúnmharú

1995

Sa bhliain 1995, bhí iontas agus míchreideamh ann nuair a fuarthas Simpson neamhchiontach as a iar-bhean chéile agus a cara a mharú i ‘triail na haoise’, an cás cúirte is conspóidí a cuireadh ar an teilifís riamh. Fritheadh Simpson neamhchiontach as dúnmharú Nicole Brown Simpson (a dara bhean chéile) agus fear óg darbh ainm Ronald Goldman, tar éis triail d'ard-phróifil a thabhaigh clúdach agus cáil dhomhanda.

In ainneoin gur áitigh an t-ionchúiseamh gur chuir fianaise fhóiréinseach Simpson ag láthair na coireachta. níorbh fhéidir le péire lámhainní a fuarthas ann dul ar lámha Simpson, agus dúirt a chuid dlíodóirí, mar sin, ní raibh sé ann. Bhí foireann dlíodóirí aige ar a dtugtar ‘The Dream Team’ orthu, lena n-áirítear Robert Kardashian, Robert Shapiro agus Johnnie Cochran, saoradh Simpson sa deireadh. D’eisigh Cochran an líne a bhfuil clú uirthi anois: ‘If the glove don’t fit, you gotta acquit.’

1998

Trí bliana ina dhiaidh sin, sa chúirt sibhialta, rinneadh cinneadh go raibh Simpson freagrach as bás Brown agus Goodman.

2007

Cúisíodh Simpson as robáil armtha agus fuadach i Las Vegas in 2007. Cuireadh pianbhreith 33 bliain sa phríosún air. Ach scaoileadh saor é in 2017 ar parúl.

Bás

Fuair Simpson bás de bharr ailse phróstataigh ar an 10 Aibreán 2024. Bhí sé 76 bliain d’aois.